विश्वविद्यालयको कोष विश्वविद्यालयको कोष | दफा २४ | त्रिभुवन विश्वविद्यालय ऐन, २०४९

(१) विश्वविद्यालयको एक कोष रहनेछ ।
(२) उपदफा (१) बमोजिमको कोषमा देहायका रकमहरू रहनेछन्ः–
(क) नेपाल सरकारबाट प्राप्त रकम,
(ख) विश्वविद्यालयले सापटी लिएको रकम,
(ग) विश्वविद्यालयको लागि दान, दातव्य र आर्थिक सहायता स्वरूप प्राप्त भएको रकम,
(घ) शुल्क तथा अन्य कुनै स्रोतबाट प्राप्त रकम ।
(३) विश्वविद्यालयको कोषको रकम तोकिएको बैंकमा खाता खोली जम्मा गरिनेछ ।
(४) विश्वविद्यालयको कोष र खाताको सञ्चालन तोकिएबमोजिम हुनेछ ।
(५) विश्वविद्यालयको सबै खर्चहरू उपदफा (२) बमोजिमको कोषबाट व्यहोरिनेछ ।